Úff.....

Í kvöld ætla ég að skála við sjálfa mig. Til hamingju Helga, þó svo að þetta hafi verið mér(þetta er sálin í Helgu sem talar) erfitt.

Í dag sagði ég upp stöðum mínum á Seltjarnarnesi og í Reykjanesbæ. Hætt og farin. Farin í Kópavoginn að kenna. Þetta var ekki auðveld ákvörðun þar sem mér leið vel á báðum stöðum, en engu að síður.....breyttir tímar framundan og vonandi bjartir líka.

JÚRÓVISJÓN

Oooo hvað það er gaman þessa dagana. Mér finnst svo gaman að fylgjast með skandinavísku dómnefndinni sem hefur komið saman á föstudögum undanfarið. Það hefur verið ágætis magaæfing að hlæja að athugasemdum þeirra og dómum um sum lögin. Hm.... og svo styttist í stóru stundina sjálfa. Ég vona svo innilega að íslenska lagið komist áfram í keppnina á laugardeginum við íslendingar eigum það svo sannarlega skilið eftir öll þessi ár. Ef allt fer til andskotans eins og vanalega er ég búin að velja mér lönd til þess að halda með, Þýskaland og Svíþjóð.

Til þess að halda í hefðirnar munum við hjónin opna hús okkar fyrir gestum laugardagskvöldið 12. maí. Viljum við gjarnan sjá sem flesta, sama hvað þeir hafa kosið í alþingiskosningunum fyrr um daginn eða ætla að kjósa um kvöldið. Fólk mætir endilega bara snemma með sín drykkjarföng og góða skapið og jafnvel sundföt ef fólk er í stuð til þess að fara í pottinn. Höldum upp á júróvisjón saman.....það er svooo gaman!!!!